早幾日同大家講過私家車保險ZONE已經更新咗喇！大家試咗未呢？
之前都收到唔少有關私家車保險保單嘅問題，今次我哋就根據出單流程逐一解答大家！
不過解答之前，又好似上次咁考下大家先！
問題〖1〗：出單後需要幾多日內提交所有必需文件？
A. 10日
B. 30日
C. 60日
問題〖2〗：交齊文件後幾多日會收到正式保單確認通知？
A. 約5個工作天
B. 約7個工作天
C. 約10個工作天
答案喺最底呀！不過唔好偷睇住，睇完內文搵下答案呀！
私家車保單嘅申請可以簡單咁分3個程序：發出報價單（Quote）、發出臨時保單（Cover Note）、發出正式保單。大家基本上係負責兩個程序（報價單、臨時保單），交齊文件之後正式保單就會由業務支援中心發出。
常見問題【1】：填寫報價資料嘅時候，如果搵唔到客戶嘅車款應該點選擇？
● 如果你真係搵唔到相關嘅車款選擇，可以喺“詳細”直接揀第一個選擇就可以喇！
常見問題【2】：出咗臨時保單之後有咩文件需要交呢？
● 其實發出臨時保單之後，大家仲需要喺30日內將所需文件電郵至業務支援中心（ia.bcc_ft@hk.zurich.com ），咁我哋先可以處理正式保單。
● 如果喺30日內仍未提交所需文件，臨時保單有機會失效，客戶保障亦有可能會受到影響。
● 必需提交嘅文件包括：
a. 已填寫及簽名嘅投保書
b. 商業登記證副本（只適用於投保人以公司名稱登記）
c. 投保人及記名駕駛者嘅身分證副本以及駕駛執照副本
d. 如有無賠償折扣，請提供證明 (例如: 續保通知書或之前保險公司保單副本)
e. 已更新牌簿副本
常見問題【3】：交齊文件要等幾耐先收到正式保單確認通知？
● 當你交齊所需文件致業務支援中心，大概7個工作天後我哋會以電郵方式發放正式保單俾大家。
另外，為咗令成個投保程序更快更順暢，填寫資料嘅時候最緊要清楚準確，提交前記住先覆核一次，咁就萬無一失啦！
我哋就俾返幾個填寫資料嘅小貼士大家！
填寫資料小貼士 | |
【1】無賠償折扣 | 報價單同埋投保表格上嘅無賠償折扣率（%）應該一致。如果唔一致嘅話，有可能會影響保單金額。 |
【2】記名駕駛者數目 | 臨時保單以及投保表格上嘅記名駕駛者數目應該一致。如果唔一致嘅話，有可能會影響保單金額。 |
【3】郵寄地址 | 填寫投保表格時，記得一定要填寫郵寄地址。 |
【4】違例駕駛分數 | 填寫報價單時，記緊要清楚違例駕駛分數。 如果客人嘅違例駕駛分數達10分或以上，我哋係唔會接受相關客人嘅投保申請。 |
【5】牌簿副本 | 提交嘅牌簿副本一定要最新的。 |
相信今次都幫大家解決咗唔少投保私家車保險嘅疑難喇！
仲記唔記得一開頭問大家嗰兩條問題呢？有睇上文都實會答啱嘅！
答案就係......
…
…
…
…
…
…
…
…
…
答案就喺低少少呀......
…
…
…
…
…
…
…
…
…
…
…
…
…
…
…
…
答案
問題〖1〗：B, 正式保單需於30日內提交所有必需文件並發電郵至報價中心處理。
問題〖2〗：B, 交齊文件後大概7個工作天後會收到保單確認通知電郵。